Bone Shakers består av fire pur ekte søftelendingar og har base i Os Rockeklubb. Bandet har den siste tida vore aktiv på spelefronten og har nyleg spelt på Kvarteret, Garage, Eggstock. Dei vart også plukka ut som ein av ti finalistar i finalen i 5071-festivalen si talentkonkurranse, ILOD. Ein demo frå bandet er undervegs og søftelendingane har allereie nye, spanande ting på gong.
Med attitude og høg gitarføring leverar Bone Shakers presis, catchy og tight ”rett-i-trynet” rock n’ roll. Bli ikkje overraska om det rykkar i nakkemuskelen og at rockefoten får fart på seg. Gjer deg klar for heilt ekte søftelandsk rock laurdag 17. juli!
